Lawas Muda Mudi

Marasa kugawok sedi

No tama ko pikir akal

To dapat tosi ramalik

--------------------------

Ala we mana kupendi

Ta kubada rasa kaku

Kena siya nesal ngineng

-----------------------------

Kubada siya ngere to
Sipat kami tu salaki
Basato lasung bakomong

-----------------------------

Jangi kami tu salaki

Tu arap reda kasuka

Mana no ujan ka gunter

--------------------------------

Tengamo petang gila we

Ngaremo anak Piyoko

Luk sopo jangi ke aku

Kemang nonda leng desa ta
Ada leng poto jambangan
Kututet jangka kusumpeng

-----------------------------

Buwa kusamanta sumpeng

Mampes nan saser desa ta

Kulayar mana kurugi

---------------------------

Puji diri Si lalayang
Ntek ko bawo kati awan

Turen ko tana buyangsi

---------------------------------------

Sareya siyasi lagina
Tu sanyele arap
Lamen no siya saipo

----------------------------------------

Nosoda sama nan maras
Tu saleng gayong kanyaman
Pasasenap desa darat

----------------------------

Lamen bakompalmo niat

Bose sangangkang lit rea

Na beyang bilu lako len

--------------------------------------------

Ngibar piyo kalis Empang

Tarepa kayu nonda den

Na nesal lamen nonda rep

---------------------------------

Kanatang kami lako^. ta

Nosoda anung tu bentan

Godong kayusi salamar

---------------------------------

Nosoda sama nan maras

Batemung untung ke andi

Ade ka do dadi parak

------------------------------------------

Saribu bintang leng langit

Lamen nonda rupa siya

Salingong mata kunulang

-------------------------------

Saribu dengan kutokal

Lamen nonda rupa siya

Salingong mata kunulang

--------------------------------------

Gila we nanta piyo nan

Tarepa kayu nonda den

Bagian aku ruwana

---------------------

Ka kuojongsi parana
Tills no kubeyang basa
Ujan tampeyar kukeme

-------------------------------

 

Sumber : http://lawas-usman.blogspot.com/