Syair Lagu Album Losonk

Kemang Kuning
By : Epun Gera’

Kemang Kuning Sawir Mampis

Sinta Tutu Ya Mu Sumping

Kemang Komal No Santari

Gendras Mo Le Tu Batari

Kayu Padenung Lusit Mo

Kane Kanejak Beling No

Ajan Leno Mara Jasad

Dua Mo Dengan Tu Rabagi

Tanang Ya Seseng Mesa Si

Seseng Untung Pang Tenga Nanga

Malang Takat Jendring Tampar

Balabu Ngantung Susa Si

Palabu Untung Pang Sia

Konang Guntir No Basenda

Ku Sorong Dunung Ila Si

==================================

Remban Panungkas
By : Epun Gera’

Aku Tu Supu Parana Mesa”

Ngining Lo Langan Panesal

Satumpu Diri Polak Rasate

Luk Sempu Nonda Panulang

Kanyung Tingi Mo Pang Tokal

Sajanyar Bulan Ke Bintang

Seli Tu Ngining Kalanye Intan E

Tili Ling Bewe Kalako

Sarungan Gama Ko Gili

Ta Remban Ai No Kesat

Barereng Nonda Katumpu

Satelas Ate Satowe

Maris Balangan Badua

Na Samirit Ate Ka Kendung

Mana Ling Era Bentan Rarate

Mana Ling Era Bentan Rarate

Mana Sakeme Bentan Rarate

Satingi Balong Ko Nene

Panungkas Balat Panyoba

Panungkas Balat Panyoba

==================================

Sumpeng Kemang
By : Epun Gera’

Kompal Mo Niat Ku Ko Sia

Ate Keyal Ling Panyadu

No Monda Dengan Tu Baning

Karing Sasopo Jangi Ke Untung

           

Lamin Rasate Sumpeng Kemang Ta

Satingi Mo Gegan Ling Ate

Sakantap Kanto No Guger

No Si Urung Untung Ko Sia

Ku Menong Lawas Kaka’  e

Rapang Ku Gita Parana

Senap Mara Bulan Lis

Kasenar Caya Bulan Lis

Tangko Ling Mega Bagentan

Bintang Baliuk No Caya

Bintang Baliuk No Caya

==================================

L o s o n g
By : Epun Gera’

Antak Acin Acin Lamin No Roa Beling

Tu Rantak Mara Masin

Long De  Long De Parode Ode Ate

We eee … We eee …

Rembang Datang Masa Mata

Suar Seme Tentan Rangap

Tu Kamata Mata Rame

Barungan Rame Tu Mata

Lalo Ngayo Ete Siru

Kamata Rame Ramia

Pang Masa Nan Mo Tu Gita

Tu Taruna Ke Dadara

Maras Lawas Saling Siyer

Maras Lawas Tu Saling Siyer

We Andi...   We Kaka’ Balong..... 2 X

Tutu Maras Tu Balawas

Imung Senda Sengo Losong

Sai Po  No We Sai Po No Ya Giyer Ate

O .. Mega  Tili Gama  Ano

Payung Tu Riam Ke Sempu

Langan Senap We Langan Senap

Sangada Jangi

==================================

Tangar Do
By : Epun Gera’

Sopo Hajat Pang Andi

Sapolak Pang Aku Bae Mo

Arap Satungku Leng Jangi

Barete  Untung Tu Kita

We Nanta We Jangi

Hu Hu Hu We Nanta Na Hu Hu Hu

Kaling Manis Mu Andie

Ku Pina Ipi Parasa             

Lok Sosong Ate Kalembu

Andi Ke Gama Ku Sumpeng

Tutu Si Samin Pang Tokal

Na Arap Putes Panotang

Tu Ajar Ate Rengang Do

O Tanenang Gila E

Sanapat Lawas Tu Gama

Pese Renas Bada Tedu

Sengo Na Sampe Bewe Len

O Angin Gila  E

Bawa Ku Ngawang Ko Langit

Sanempas Pangita Ko Andi

Santung Leno Ku Turet

==================================

                                            

Renteng Malino
By : Epun Gera’

Ku Pendi Ai Ngarenteng

Ngemung Ngenat Susung Takat

Konda Ling Limung Nonda Man .. We Andi  Ee

Mana Si Ling Dalam Limung

Ta Ku Pina Bangka Nyawa

Mana Linting Ku Ketong Si

Ketong Saya Sampan (We Sampan) Tonda

Bose Dadi Timal Katir

Salayar Ate Ka Kendung

Tutu Si Ate Ka Kendung

Saling Sayang Ke Pamendi

Bagian Nonda Panempas

Saling Sarela We Andi

Maris Mo Mikir Lako Lin

Ke Aku Kena Mu Ngining

Kane Ka Rela Untung Ta

Tu Sakantap Mo Bagian

Ba No Mo Mandang Lako Lin

==================================

Ela Bata Tarang Tajo
By : Epun Gera’

We Adi Kaka’  Sanak Sempu 

Maris Tu Saling Beme

We Adi Kaka’  Sanak Sempu  

Maris Tu Saling Sayang

We...Eye.....Aye

Tu Saling Beme Tu Saling Sayang

Ko Katenrang

Lamin Ada Boat Desa

Na Tu Saling Panto Ora

Laga Mo Parenta Kewa Maras

Senap Semu Nyaman Nyawe

Ela Bate Tarang Tajo

Genras Maras Tu Barema

Saling Sakiki Jina Sakendi

Mana Lenang Sampong Leng Sio

Sadi Toar Menong Senda

Ela Bate Tarang Tajo

Dadi Mo Ama Rama Peno

Karing Saman Dunung Ana

Jangka To No Mo Kamilin

                       

Na Bilin Sendi  Gamana

Ka Panising Tau Loka

Pina Ila Ya Kasisi

Ma Kompal Maris Ko Balong

==================================

Kemang Bilen Puin
By  :  Epun  Gera

Ampin Julin Ruana

Sarea Sabar Pang Ate

Pola Tu Seseng Bagian

We  Bagian 

Parana Muris Nong Jangi

Renduk Basungu No Penang

To Bala Sajan Barimung

We  Barimung

Parana Mampis Rempo Bulaeng

Konang Ya Dadi Sampang Rasate

Ngere Si Kemang Bilen Do Puin

Santung Din Poto No Guger

Manang Padenung Tenga Ai Suning

Tampo Ling Angin Kalisu

Satange Godong No Guger

Nempas Mo Langan We Langan Ko Tenrang

Seman Mo Nempas Langan Ko Tenrang

Ate Ku Pina Palabu

Bangka Samomat Ke Nyawa

Ku Layar Jangka We Jangka Nong Liang

==================================

Lisir Samada
By  :  Epun  Gera

Lamen Pendi

Lamen Mu Sayang Na Sayate

Tendri Niat Ku Sapuan

Sasopo Rasate Ke Jangi

Pang Andi Balong Manes Leng

Kabalong Jenang Mu Balong

Sear Mampes Sawer Kemas

Ada Samodeng Mela’ Pang Aku

Kemas Andi Intan Ku Gita

No Si Oba Ya Ku Bentir

Lok Nyata Tokal Pang Ate

Mengas Ate Tenrang Pangita

No Si Ompa Ya Ku Lisir

Lok Nanta Ate Kalangke

                       

Nan Si Sendi Sesal Ko Ate

Ya Samanta Santurit Leng

Rena Ya To Dadi Susate

Pola Rara Ka Tu Ngining

Andi Parasa Gama Na

Andi Parasa Gama Na

Samada Ta We Andie

Samada Umin Ka Balong

==================================

Rabuang Tate
By  :  Epun  Gera

Rabuang We Tate Tate Sakele Kopang

Kopang Ale Ale Me Ka Lako Baeng Bale

Ka Lalo Nyembir Bela Bela Palepa Dua

Dua Ulin Datu Sopo Ulin Saleman

Bintang Sonap Selak Karang

Karang Me Mu Tama Karang Sia De Kalekok

Nyuk Nyak Ayam Cukung

Iring Anak Balo Bongkok   Kok....Kok

Bakendek Adi Bakendek

Ma Tu Lalo Iyer Buang

Buang Nan.. Buang Nan   Batali Tereng

Tu Gantong Pang Bao Langke

Langke Bale Papin Tongge

Tongge Papin....Tongge Papin  ...Si Bose

Si Bose Main Kandese

Ya Kandese Batu Enam

Enam Anak Ayam Pisak

Ayam Pisak Salasi

Iring Anak Ano Jemat

Poto Todok Dadi Sameto

Poto Todok Dadi Sameto